Аб наведванні Паслом Беларусі бібліятэкі імя А.Міцкевіча

26 лістапада 2024 г. Надзвычайны і Паўнамоцны Пасол Рэспублікі Беларусь у Рэспубліцы Малдова Анатоль Калінін усклаў кветкі да помніка Адама Міцкевіча, што ўстаноўлены ў Кішынёве каля бібліятэкі, якая носіць яго імя.

А.Міцкевіч нарадзіўся ў Навагрудскім павеце ў 1798 годзе. Пісьменнік, паэт і перакладчык, драматург А.Міцкевіч аказаў вялікі ўплыў на станаўленне беларускай і польскай літаратуры ХІХ стагоддзя. Беларускія літаратуразнаўцы лічаць А.Міцкевіча адным з пачынальнікаў новай беларускай літаратуры.

Ад імя Пасольства ў дар бібліятэцы была паднесена паэма А.Міцкевіча “Пан Тадэвуш”, а таксама ў фонд бібліятэкі перададзены кнігі пра Беларусь на беларускай мове.

Версія для друку