Аб удзеле Пасольства ў XXII этнакультурным фестывалі

17 верасня 2023 г. у цэнтральным парку г. Кішынёва адбыўся XXII этнакультурны фестываль «Адзінства праз разнастайнасць». Мэта фестывалю – захаванне і прасоўванне этнічных і культурных традыцый нацыянальных меншасцей, развіццё міжкультурнага дыялога, умацаванне дружалюбных сувязей паміж прадстаўнікамі розных этнасаў, якія пражываюць у Малдове.

Мерапрыемства арганізавана Агенцтвам міжэтнічных адносін Малдовы і прымарыяй Кішынёва ў партнёрстве з Каардынацыйнай радай этнакультурных арганізацый.

Традыцыйна фестываль адкрыўся з ускладання кветак да помніка Штэфану чал Марэ шы Сфынт, у якім прынялі ўдзел прадстаўнікі дыпламатычнага корпуса, дэпутаты, члены этнічных арганізацый Малдовы, і парада нацыянальных касцюмаў.

Пасольства Беларусі ў Малдове сумесна з грамадскімі арганізацыямі беларусаў Малдовы, уключаючы Прыднястроўе, прадставілі ўдзельнікам і гасцям фестывалю «беларускую хату». Тут жа былі прэзентаваны традыцыйныя беларускія рамёствы. На маляўнічых банэрах наведвальнікі змаглі азнаёміцца з інфармацыяй аб нацыянальнай выцінанцы, дэкаратыўна-прыкладной творчасці, лясным бортніцтве і інш. Акрамя таго, у беларускім дворыку для ахвочых быў праведзены майстар-клас па саломапляценні.

На сцэне фестывалю прагучалі беларускія песні ў выкананні ансамбля «Зорачкі» беларускай абшчыны Рэспублікі Малдовы, выступіў маладзёжны танцавальны калектыў «Крылы» Беларускай абшчыны муніцыпія Бельцы.

Вялікую цікавасць у гасцей беларускага падвор'я выклікала дэгустацыя страў нацыянальнай кухні.

Для тых, хто цікавіўся гісторыяй і цікавымі фактамі пра Беларусь, прадстаўнікі беларускай дыяспары распавялі пра традыцыйныя народныя святы, а таксама беларускія легенды.

Надзвычайны і Паўнамоцны Пасол Рэспублікі Беларусь у Рэспубліцы Малдова Анатоль Калінін таксама звярнуўся да ўсіх удзельнікаў беларускіх грамадскіх арганізацый Малдовы з віншаваннямі з нагоды Дня народнага адзінства, падкрэсліўшы асаблівую важнасць гэтага свята з улікам выклікаў і пагроз, якія стаяць перад Беларуссю цяпер. Пасол падзякаваў суайчыннікам за іх адносіны да Беларусі, асабісты ўклад у захаванне нацыянальнай ідэнтычнасці і папулярызацыю беларускай культуры ў Малдове.

Версія для друку