Аб адкрыцці выставы мастака Вячаслава Ігнаценкі
25.11.2024 г.22 лістапада 2024 г. у Нацыянальным музеі гісторыі Малдовы адкрылася выстава беларускага і малдаўскага мастака, заслужанага дзеяча мастацтваў Малдовы, члена Саюза мастакоў Малдовы і Міжнароднай асацыяцыі мастакоў Вячаслава Ігнаценкі «Рашкоў – скрозь стагоддзі і гісторыю».
Выстаўка арганізавана з нагоды 70-годдзя з дня нараджэння Вячаслава Ігнаценкі і прысвечана населенаму пункту Малдовы Рашкоў, які быў заснаваны ў XIII стагоддзі ў Вялікім Княстве Літоўскім і мае гістарычную каштоўнасць з пункту гледжання зліцця культур розных нацыянальнасцей. Рашкоў з'яўляецца адным з месцаў натхнення і творчай сілы Вячаслава Ігнаценкі.
Выстаўка была арганізавана сумесна з Беларускім культурным цэнтрам у Рэспубліцы Малдова і пры падтрымцы Агенцтва міжэтнічных адносін Рэспублікі Малдовы. У яе адкрыцці прынялі ўдзел прадстаўнікі беларускай, расійскай і ўкраінскай дыяспар Малдовы, супрацоўнікі Пасольства Беларусі ў Малдове, госці музея. Выстаўка будзе адкрыта да 6 снежня 2024 г.
