Аб сустрэчы Пасла А.Калініна з генеральным дырэктарам СП ТК «KERAMIN» О.А.А. Вясновым А.Г
19.02.2021 г.19 лютага 2021 г. адбылася сустрэча Надзвычайнага і Паўнамоцнага Пасла Рэспублікі Беларусь у Рэспубліцы Малдова А.Калініна з генеральным дырэктарам Сумеснага Прадпрыемства Гандлёвая Кампанія «KERAMIN» О.А.А. Вясновым А.Г.
У ходзе сустрэчы А.Вясноў праінфармаваў аб выніках працы СП ТК «KERAMIN» О.А.А. і планах па істотнаму нарошчванню паставак беларускай керамічнай пліткі на малдаўскі рынак ў 2021 годзе.
Было адзначана, што ў 2020 годзе, нягледзячы на ўведзеныя ў Малдове эпідэміялагічныя абмежаванні, экспартныя пастаўкі прадукцыі «Керамін» у Малдову і Румынію выраслі на 12,5 адсоткаў.
У Малдове былі адкрыты 2 новыя кропкі па рэалізацыі керамічнай пліткі і эфектыўна праводзіцца рэклама брэнда «Керамін».
А.Калінін падкрэсліў неабходнасць далейшага развіцця сеткі ААТ «Керамін» у Малдове, уключаючы прапанову новых сэрвісных паслуг для пакупнікоў беларускай прадукцыі.
Дасягнута дамоўленасць аб працягу цеснага ўзаемадзеяння паміж Пасольствам і СП ТК «KERAMIN» О.А.А. для павелічэння экспарту керамічнай пліткі і іншай прадукцыі «Керамін» у Малдову.
