Аб сустрэчы Пасла А.Калініна з Башканам Гагаузіі І.Улах
10.12.2020 г.
9 снежня 2020 г. у будынку Пасольства Рэспублікі Беларусь адбылася сустрэча Надзвычайнага і Паўнамоцнага Пасла Рэспублікі Беларусь у Рэспубліцы Малдова А.Калініна з Башканам Гагаузіі І.Улах.
Бакі выказалі задавальненне развіццём двухбаковага супрацоўніцтва ў гандлёва-эканамічнай і іншых сферах.
Адзначана важнасць далейшага пашырэння сумеснай вытворчасці па зборцы беларускіх трактароў у Гагаузіі, а таксама стварэння новага зборачнага прадпрыемства электробусаў «МАЗ».
И.Улах прапанавала правесці ў другой палове студзеня 2021 г. сустрэчу з працуючым у Малдове дыпламатычным корпусам для азнаямлення з вынікамі работы ў 2020 годзе і запрасіла А.Калініна прыняць у ёй удзел.
Бакі дамовіліся падтрымліваць пастаяннае ўзаемадзеянне для актывізацыі супрацоўніцтва і вырашэння пытанняў, якія ўяўляюць узаемную цікавасць.
