Аб візіце дэлегацыі ДП «Кіруючая кампанія холдынгу «Беларуская цэментная кампанія» ў Малдову
09.11.2021 г.З улікам узрослай цікавасці да беларускай цэментнай прадукцыі 4 – 6 лістапада 2021 г. адбыўся візіт у Малдову беларускай дэлегацыі на чале з генеральным дырэктарам ДП «Кіруючая кампанія холдынгу «Беларуская цэментная кампанія» Даўгала А.С.
У адпаведнасці з праграмай візіту ў Пасольстве Рэспублікі Беларусь адбылася сустрэча Надзвычайнага і Паўнамоцнага Пасла Рэспублікі Беларусь у Рэспубліцы Малдова А.Калініна і членаў беларускай дэлегацыі з дырэктарам ТАА «KNAUF-GIPS» К.Бузікевічам. Таксама адбыліся перамовы з кіраўніцтвам ТАА «Cartnord», якая вырабляе папяровую тару.
Бакі пацвердзілі сваю зацікаўленасць ва ўстанаўленні доўгатэрміновага супрацоўніцтва па пастаўках гіпсавага каменя і ўпаковачнай тары.
Малдова з'яўляецца пастаянным пастаўшчыком на беларускі рынак гіпсавай сыравіны і папяровых мяшкоў для ўпакоўкі цэменту.
5 кастрычніка 2021 г. беларуская дэлегацыя наведала г.Рыбніцу для правядзення перагавораў з патэнцыяльнымі партнёрамі і ўдзелу ў мерапрыемствах, прысвечаных 60-годдзю ЗАТ «Рыбніцкі цэментны камбінат». Бакі дамовіліся падтрымліваць цесны кантакт і ажыццяўляць абмен інфармацыяй па пытаннях.
У ходзе візіту беларуская дэлегацыя наведала ААТ «Малдаўскі металургічны завод» і правяла перагаворы з генеральным дырэктарам прадпрыемства Карневым С.В. па пытаннях пастаўкі металапрадукцыі і дзындры для патрэб ДП «Кіруючая кампанія холдынгу «Беларуская цэментная кампанія».
