Пасол А.Калінін выказаў спачуванні ў сувязі з тэрактам у Падмаскоўі
23.03.2024 г.У сувязі з тэрарыстычным актам у канцэртнай зале “Crocus City Hall” падмаскоўнага Краснагорска 22 сакавіка 2024 г. Надзвычайны і Паўнамоцны Пасол Рэспублікі Беларусь у Рэспубліцы Малдова Анатоль Калінін і беларускія дыпламаты 23 сакавіка прынеслі кветкі і запалілі лампады каля Пасольства Расіі ў Кішынёве.
Беларусы шчыра смуткуюць і падтрымліваюць братэрскі расійскі народ у гэтыя цяжкія хвіліны.
Кветкі да расійскай дыпмісіі нясуць неабыякавыя малдаване, грамадзяне Расіі, грамадскія і палітычныя дзеячы Малдовы.
Пасол А.Калінін ад імя супрацоўнікаў дыпмісіі і беларускай дыяспары, якая пражывае ў Малдове, выказаў глыбокія спачуванні родным і блізкім загінуўшых і пажадаў найхутчэйшага выздараўлення ўсім пацярпелым.
