Адносіны ў сферы культуры

Паміж Рэспублікай Беларусь і Рэспублікай Малдова наладжана і актыўна развіваецца супрацоўніцтва ў сферы культуры.

У адпаведнасці з Пагадненнем аб супрацоўніцтве паміж Міністэрствам культуры Рэспублікі Беларусь і Міністэрствам культуры і турызму Рэспублікі Малдова бакі падтрымліваюць супрацоўніцтва ў галіне культуры і мастацтва паміж дзвюма краінамі, у тым ліку ініцыятыўныя прапановы устаноў культуры і мастацкіх калектываў, накіраваныя на распаўсюджванне і прапаганду культуры, гісторыі і нацыянальных традыцый Рэспублікі Беларусь і Рэспублікі Малдова.

У 2006 годзе ансамбль народнага танца «Пярэзвы» прыняў удзел у Міжнародным музычным фестывалі «Мэрцішор», ансамбль «Купалінка» — у Днях славянскай пісьменнасці і культуры ў Рэспубліцы Малдова. 30 чэрвеня 2006 году ў Кішынёве ўрачыста адкрыліся Дні беларускага кіно з удзелам намесніка Генеральнага дырэктара Нацыянальнай кінастудыі «Беларусьфільм» Аляксандра Целушко, прайшла экспазіцыя фотавыставы «Беларусь — мая Радзіма». Мерапрыемствы прайшлі ў рамках святкавання Дня Незалежнасці Рэспублікі Беларусь.

22 — 25 верасня 2006 года праходзіў Першы фестываль беларусаў Малдовы «Беларусь — мая Радзіма», прысвечаны традыцыйнаму святу Беларусі — Дню беларускага пісьменства.

У Кішынёве і іншых гарадах Малдовы з вялікім поспехам прайшлі выступы беларускага ансамбля народнай песні і музыкі «Харашуха», самадзейных калектываў беларускіх суполак у Малдове, ажыццяўляўся паказ мастацкага фільма «Спакуса» вытворчасці кінастудыі „Беларусьфільм”. Малдаўскія гледачы цёпла прымалі творчую групу стваральнікаў кінастужкі Генеральнага дырэктара Нацыянальнай кінастудыі „Беларусьфільм” А.Целушко, а таксама выканаўцу галоўнай ролі — вядучую акторку Рускага тэатра ім. Горкага О.Лясную.

Вялікую цікавасць выклікалі выстаўкі мастацкіх твораў беларусаў, якія пражываюць у Малдове, беларускай кнігі „Сучасныя беларускія аўтары”, дзе было экспанавана каля 200 асобнікаў кніг з Нацыянальнай бібліятэкі Рэспублікі Беларусь, а таксама беларускіх фотамастакоў „Беларусь — мая Радзіма”, творчыя сустрэчы чытачоў-беларусаў Малдовы з галоўным рэдактарам газеты „Голас Радзімы” Н.Салук, а таксама з лаўрэатам Дзяржаўнай прэміі Беларусі, паэтам, старшынёй Таварыства дружбы „Беларусь-Малдова” В.Скарынкіным.

У сакавіку 2007 года на міжнародным музычным фестывалі «Мэрцішор» Беларусь у сталіцы і іншых гарадах Малдовы традыцыйна прадстаўлялі вядомыя калектывы: дуэт Ядвігі Паплаўскай і Аляксандра Ціхановіча ансамбль народнага танца г.Бабруйск «Пярэзвы», народны тэатр танца «Карагод», г.Мінск. Акрамя Кішынёва, ансамбль «Пярэзвы» выступіў з канцэртамі ў Камраце, Конгазе, Чадыр-Лунга і Вулканешты на поўдні Малдовы.

У красавіку 2007 года прадстаўнікі Пасольства прынялі ўдзел у адзінаццатым Міжнародным салоне дзіцячай кнігі, які праводзіцца пад патранажам старшыні Парламента Рэспублікі Малдова Марыяна Лупу. Беларусь была прадстаўлена асобным стэндам з прадукцыяй 11 кніжных выдавецтваў нашай краіны: „Вышэйшая школа”, „Народная асвета”, „Мастацкая літаратура”, „Белфаксіздатгрупп” і іншымі. Па выніках салона Міністэрства інфармацыі Рэспублікі Беларусь і Пасольства Рэспублікі Беларусь у Рэспубліцы Малдова за актыўны ўдзел у Міжнародным салоне дзіцячай кнігі ўзнагароджаны дыпломамі. Выдавецтва «Мастацкая літаратура» адзначана дыпломам і прэміяй Нацыянальнай бібліятэкі Рэспублікі Малдова «За асаблівае стаўленне да дзяцей».

У красавіку-маі 2007 года на першым нацыянальным тэлевізійным канале Рэспублікі Малдова па ініцыятыве Пасольства адбылася трансляцыя цыклу перадач «Беларусь музычная». Цыкл складаўся з серыі тэлевізійных музычных праграм, якія ўвабралі ў сябе лепшыя канцэртныя выступленні вядучых беларускіх ансамбляў і сольных выканаўцаў. Малдаўскія тэлегледачы ўбачылі лепшыя выступы вядомых беларускіх музычных калектываў на «Славянскім базары» у Віцебску, «Залатым Шлягеры» у Магілёве, канцэрце «Усе зоркі ў госці да нас» і шэрагу іншых, а таксама музычныя нумары самадзейных калектываў беларусаў, якія пражываюць у Малдове.

9 мая 2007 г. у рамках гэтага праекта, у тэлевізійны эфір выйшла асобная праграма, якая складалася з музычных твораў ваеннай тэматыкі.

У маі юнацкі калектыў «Алтынджык» (Залацінушка) з Гагаузіі прыняў удзел і атрымаў другое месца ў міжнародным фестывалі дзіцячай народнай творчасці «Залатая пчолка», г.Клімавічы.

У чэрвені ансамбль песні і танца з г. Асіповічы выступіў у гарадах Гагаузіі з канцэртамі на міжнародным фестывалі «Ана ділі», прысвечаным 50-годдзю Гагаузскага пісьменства.

29 чэрвеня 2007 г. у цэнтральным кінатэатры Кішынёва «Патрыя» у рамках святкавання Дня Незалежнасці Рэспублікі Беларусь адбылося ўрачыстае адкрыццё Дзён беларускага кіно ў Рэспубліцы Малдова. У сваім выступе Міністр выказаў падзяку Пасольству за арганізацыю Дзён беларускага кіно і ў цэлым, за актыўную працу, якая праводзіцца на працягу апошніх гадоў па захаванні беларускай культурнай спадчыны ў Малдове і пашырэнню культурных сувязяў паміж народамі дзвюх краін.

У той жа дзень адбыўся прэм'ерны паказ мастацкага кінафільма «Радзіма або смерць», вытворчасці Нацыянальнай кінастудыі «Беларусьфільм». Перад прэм'ерай адбылася творчая сустрэча з гледачамі дырэктара фільма Таццяны Пятровай. Дні беларускага кіно прайшлі таксама ў гарадах Кангас, Кагул і Бельцы.

У верасні 2007 года прайшоў арганізаваны Пасольствам Другі фестываль беларусаў Малдовы «Беларусь — мая Радзіма», прысвечаны Дню беларускага пісьменства і 125-годдзю Я.Купалы і Я.Коласа. У сваім прывітанні Фестывалю Міністр культуры Рэспублікі Беларусь Уладзімір Мацвяйчук падкрэсліў, што «фестываль становіцца традыцыйным і значнай падзеяй у культурным жыцці нашых краін, з'яўляецца агульным укладам ва ўмацаванне і развіццё дружбы паміж Беларуссю і Малдовай».

У святочным канцэрце з нагоды адкрыцця фестывалю прынялі ўдзел народны ансамбль Рэспублікі Беларусь «Радзімічы», мастацкія калектывы і артысты і Малдовы, самадзейныя ансамблі беларускіх суполак.

У рамках фестывалю адбылася сустрэча дэлегацыі Беларускага саюза жанчын з актывам рэспубліканскай абшчыны беларусаў Малдовы, прэзентацыя перасоўнай выставы „Лепшыя ўзоры кнігадрукавання Беларусі”, прэзентацыя выставы літаратурных выданняў беларускіх класікаў Я.Купалы і Я.Коласа, прайшлі літаратурныя чытанні, прысвечаныя 125-ю з дня нараджэння Я.Купалы і Я.Коласа.

Кіраўнік беларускай дэлегацыі, якая прыбыла на фестываль, Сустаршыня Беларускага саюза жанчын Антаніна Морава перадала ў дар аддзелу беларускай літаратуры бібліятэкі больш за 100 новых беларускіх кніг: вучэбная і дзіцячая літаратура, кнігі па літаратуры і мастацтву, энцыклапедыі на беларускай і рускай мовах, выпушчаныя лепшымі выдавецтвамі Беларусі. У шэрагу гарадоў поўдня Малдовы з вялікім поспехам прайшоў канцэрт народнага ансамбля Рэспублікі Беларусь «Радзімічы».

Усе мерапрыемствы, якія прайшлі ў рамках трох дзён фестывалю, атрымалі самыя высокія ацэнкі яго ўдзельнікаў і гасцей. У кастрычніку 2007 года на фестывалі «Залаты шлягер» Малдову прадставіў артыст з Гагаузіі Джолтай Пётр Петкавіч.

У перыяд з 19 па 26 лістапада 2007 года ў Кішынёве, па ініцыятыве Пасольства, экспанавалася фотавыстава «Беларусь — Малдова: 15 гадоў дыпламатычных адносін». Экспазіцыя, якая ўключае каля 100 фотаздымкаў, адлюстроўвала найважнейшыя падзеі ў летапісе беларуска-малдаўскага супрацоўніцтва з дня ўстанаўлення дыпламатычных адносін: афіцыйныя і рабочыя візіты і сустрэчы, ўручэння даверчых грамат, сустрэчы дзелавых колаў, правядзенне канферэнцый, выстаў, фестываляў, жыццё беларускай абшчыны ў Малдове.

У цырымоніі адкрыцця фотавыставы прынялі ўдзел Пасол Беларусі ў Малдове, Старшыня Парламента Рэспублікі Малдова М.Лупу, кіраўнік групы дружбы Парламента Малдовы з Рэспублікай Беларусь Ю.Яромін, шматлікія прадстаўнікі грамадскасці і дыпламатычнага корпуса. Людзі, якія сабраліся адзначалі высокі ўзровень арганізацыі фотавыставы, якая праводзіцца ў самым прэстыжным выставачным цэнтры г.Кішынёва, яе унікальнасць, маштабнасць і цудоўны падбор сюжэтаў.

У сакавіку 2008 года аматарскія калектывы „Мірскія музыкі” і „Выцінанка” прадстаўлялі Беларусь на 42-м міжнародным музычным фестывалі «Мэрцішор-2008».

Затым беларускія артысты выступілі на святочных мерапрыемствах фестывалю ў рэгіёнах Малдовы, у прыватнасці, у гарадах Бесарабяска, Тараклія, Унгены.

У сакавіку 2008 года ў Пасольстве адбылося падпісанне Пагаднення аб супрацоўніцтве паміж Нацыянальным цэнтрам мастацкай творчасці дзяцей і моладзі пры Міністэрстве адукацыі Рэспублікі Беларусь і Рэспубліканскім цэнтрам дзяцей і моладзі пры Міністэрстве асветы і моладзі Рэспублікі Малдова. Дакумент прадугледжвае арганізацыю бакамі ўдзелу дзіцячых і маладзёжных творчых калектываў у розных мерапрыемствах, якія праводзяцца ў Рэспубліцы Беларусь і Рэспубліцы Малдова, падтрыманне творчых дзіцячых і маладзёжных калектываў, якія прапагандуюць беларускую культуру на тэрыторыі Рэспублікі Беларусь, а таксама малдаўскую культуру на тэрыторыі Рэспублікі Малдова.

У маі 2008 года па ініцыятыве Пасольства Беларусі сумесна з Саветам арганізацыі ветэранаў Рэспублікі Малдова на цэнтральным Мемарыяле воінскай славы г.Кішынёва была закладзена алея «Вікторыя» з 20 беларускіх бярозак ў памяць аб савецкіх воінах, якія загінулі ў гады Вялікай Айчыннай вайны.

Старшыня Рэспубліканскага Савета ветэранаў Малдовы спадарыня Ала Міронік адзначыла, што алея стане доказам непарушнасці дружбы народаў, якія ўдзельнічалі ў Вялікай Айчыннай вайне, і якія прынеслі мір свабоду.

12 верасня 2008 г. у г.Кішынёве прайшоў першы дзень Трэцяга фестывалю беларусаў Малдовы «Беларусь — мая Радзіма», прысвечанага Дню беларускага пісьменства. У яго межах адбылося падпісанне Праграмы супрацоўніцтва паміж Нацыянальным цэнтрам мастацкай творчасці дзяцей і моладзі Міністэрства адукацыі Рэспублікі Беларусь і Рэспубліканскім цэнтрам дзяцей і моладзі пры Міністэрстве асветы і моладзі Рэспублікі Малдова на 2008 — 2009 гады.

Праграма канкрэтызуе дамоўленасці, замацаваныя ў падпісаным у сакавіку 2008 г. пагадненні аб супрацоўніцтве. Дакумент прадугледжвае арганізацыю бакамі ўдзелу дзіцячых і маладзёжных творчых калектываў у розных мерапрыемствах, якія праводзяцца ў дзвюх краінах, падтрыманне творчых дзіцячых і маладзёжных калектываў, якія прапагандуюць беларускую культуру на тэрыторыі Беларусі, а таксама малдаўскую культуру на тэрыторыі Малдовы.

У гэты ж дзень сіламі двух цэнтраў пры арганізацыйнай падтрымцы Пасольства была адкрыта выстава дзіцячага малюнка «Свет вачыма дзяцей».

13 і 14 верасня 2008 г. у Малдове прайшлі другі і трэці дні Трэцяга фестывалю беларусаў Малдовы „Беларусь — мая Радзіма», прысвечанага Дню беларускага пісьменства.

13 верасня ў бібліятэцы ім. М.В. Ламаносава г.Кішынёва адбылася сустрэча дыпламатаў Пасольства, дэпутатаў Парламента Малдовы з актывам рэспубліканскай абшчыны беларусаў Малдовы, прадстаўнікамі студэнцкай моладзі.

У ходзе сустрэчы было адзначана, што фестываль з'яўляецца важным мерапрыемствам для этнічных беларусаў, якія пражываюць у Малдове, а якія праводзяцца ў яго рамках мерапрыемства дазваляюць прадстаўнікам беларускай абшчыны, а таксама грамадзянам Малдовы больш даведацца пра Беларусь, пазнаёміцца з яе культурай, духоўнай спадчынай, традыцыямі, атрымаць інфармацыю аб сацыяльна-эканамічнай сітуацыі ў краіне.

У бібліятэцы прайшлі літаратурныя чытанні паэтаў і літаратуразнаўцаў Беларусі і Малдовы, а таксама прэзентацыя Зборніка міжнароднай навукова-практычнай канферэнцыі «Беларусь — Малдова: 15 гадоў дыпламатычных адносін”, якая прайшла ў лістападзе 2007 г. Былі падведзены таксама вынікі дзейнасці таварыстваў «Беларусь — Малдова» і «Малдова — Беларусь» за 2007   2008 гады, падпісаная працоўная праграма супрацоўніцтва на 2009 — 2010 гады.

У ходзе мерапрыемства аддзелу беларускай літаратуры бібліятэкі было ўручана больш за 100 кніг вучэбнай і дзіцячая літаратуры, кніг па літаратуры і мастацтву, энцыклапедый на беларускай і рускай мовах, перададзеных малдаўскаму боку Беларускім саюзам жанчын.

У гэты ж дзень у г.Архей з вялікім поспехам прайшоў канцэрт узорнага ансамбля песні і танца «Зорачкі» Нацыянальнага цэнтра мастацкай творчасці дзяцей і моладзі Міністэрства адукацыі Рэспублікі Беларусь.

14 верасня 2008 года на цэнтральным Мемарыяле воінскай славы г.Кішынёва «Вечнасць» адбылося ўрачыстае адкрыццё мемарыяльнай дошкі на Алеі беларускіх бяроз, закладзенай 6 мая 2008 года ў памяць аб савецкіх воінах, якія загінулі ў гады Вялікай Айчыннай вайны.

У сваіх выступах прысутныя падкрэслівалі, што ўдзел у гэтай важным патрыятычным мерапрыемстве ветэранаў вайны, прадстаўнікоў кіраўніцтва Міністэрства абароны, а таксама маладога, падрастаючага пакалення з'яўляецца сімвалам пераемнасці беражлівага захавання ў памяці і ўшанавання бяспрыкладнага подзвігу савецкіх воінаў, якія аддалі свае жыццё ў барацьбе з фашызмам.

1 красавіка 2009 г. на адкрыўшымся трынаццатым Міжнародным салоне дзіцячай кнігі Пасольства прадставіла больш за 300 кніг 13 кніжных выдавецтваў Беларусі.

Праца салона паказала павышаную цікавасць наведвальнікаў да беларускага стэнда. Асаблівую цікавасць выклікалі кнігі «Беларусь — наша Радзіма». «Беларусь — краіна тваёй будучыні», «Я — грамадзянін Рэспублікі Беларусь».

Па яго выніках Міністэрства інфармацыі Рэспублікі Беларусь і Пасольства Беларусі, за актыўны ўдзел у Міжнародным салоне дзіцячай кнігі ўзнагароджаны дыпломамі. Выдавецтва «Белфакс» адзначана дыпломам і прэміяй Нацыянальнай бібліятэкі Рэспублікі Малдова.

27 мая 2009 года ў беларускім дыппрадстаўніцтве адбылося падвядзенне вынікаў конкурсу дзіцячага малюнка «Беларусь — вачыма дзяцей». Конкурс быў арганізаваны па ініцыятыве Пасольства, прысвечаны Году роднай зямлі і 65 — годдзю вызвалення Беларусі ад нямецка-фашысцкіх захопнікаў.

На конкурс было прадстаўлена 139 работ больш за 100 навучэнцаў вядучых дзіцячых мастацкіх школ гг. Кішынёва, Кагула, Ціраспаля, Рыбніцы і іншых.

На падвядзенне вынікаў конкурсу былі запрошаныя ўсе ўдзельнікі конкурсу і выкладчыкі мастацкіх школ. Двое навучэнцаў, якія занялі першыя два месцы, атрымалі права бясплатнай паездкі ў Рэспубліку Беларусь і пуцёўкі ў лагер адпачынку «Зубраня». Астатнія ўдзельнікі конкурсу атрымалі ад Пасольства сувеніры і кнігі пра Беларусь.

Пасля віншавання пераможцаў адбыўся канцэрт дзіцячых калектываў Рэспубліканскага цэнтра дзяцей і моладзі Малдовы.

У 2010 годзе ў Малдове былі праведзены Дні беларускага кіно, Дні радыё Беларусі, фотавыставы, выставы беларускай кнігі (у тым ліку дзіцячай) у рамках міжнародных кніжных салонаў, арганізаваны ўдзел беларускіх выканаўцаў і самадзейных калектываў, дзеячаў мастацтваў у міжнародных музычных фестывалях «Мэрцішор» ( народны ансамбль «Калініца»), «Залатая гронка» (фартэпіянны дуэт салістаў Белдзяржфілармоніі Н.Котова — В.Баравікоў), міжнародным фестывалі паэзіі і музыкі ім. М.Эмінэску (народны ансамбль беларускай песні „Медуніца»), міжнародным музычным фестывалі — конкурсе «Крыштальны бусел» (выканаўца О.Калеснікава).

У кастрычніку 2010 года Беларускі тэатр лялек паспяхова прыняў удзел у міжнародным Фестывалі лялечных тэатраў „Лікурыч-65”, у якім свае спектаклі прадставілі таксама 17 творчых калектываў з Румыніі, Расіі, Ізраіля і іншых краін.

У 2011 годзе прадстаўнікі Беларусі традыцыйна прымалі ўдзел у Міжнародным музычным фестывалі «Мэрцішор»: у Кішынёве інструментальнае трыа «Кансананс» Белдзяржфілармоніі і галоўны дырыжор Прэзідэнцкага аркестра Рэспублікі Беларусь В.Бабарыкін; а ў АТА Гагаузія — ансамбль «Алеся» Магілёўскага Каледжа мастацтваў.

На працягу 2011 года ў міжнародных фестывалях і конкурсах у Малдове прынялі ўдзел: выкладчыкі Акадэміі мастацтваў Беларусі — у Міжнародным фестывалі тэатральных школ «ClassFest», піяніст В.Гаўрук — у Міжнародным фестывалі «Фартэпіянныя ночы Малдовы — Чорнае мора», ансамбль танца «Каразель» з Гомеля — у міжнародным фальклорным фестывалі „Мешцерул Маноле”.

Студэнты Беларускай дзяржаўнай акадэміі музыкі сталі лаўрэатамі Міжнароднага конкурсу маладых выканаўцаў ім. Е.Кокі ў Кішынёве.

Былі арганізаваны персанальныя выставы: фотамастачкі Н.Еўмененка ў Нацыянальным мастацкім музеі Малдовы; мастака, члена беларускай суполкі В.Ігнаценка ў прымэрыі г.Кішынёва; ўдзел работ беларускіх мастакоў У.Сідоркіна і А.Клеўжыц у II Міжнароднай біенале жывапісу Кішынёў-2011.

Беларускія экспазіцыі былі прадстаўлены ў 2011 годзе на Міжнародным Салоне дзіцячай кнігі, этнакультурным фестывале «Адзінства праз разнастайнасць», на Міжнародным дабрачынным кірмашы; ў Нацыянальнай бібліятэцы Малдовы праведзена прэзентацыя новага выдання аповесці У.Караткевіча „Дзікае паляванне караля Стаха”; у рамках святкавання 66-годдзя Перамогі ў гарадах Кішынёў, Бельцы, і Ціраспаль былі праведзены Дні беларускага кіно ў Малдове з экспанаваннем фотавыставы «Беларусь у гады Вялікай Айчыннай вайны»; праведзены вечар памяці У.Мулявіна ў рамках Дзён славянскага пісьменства і культуры ў Малдове.

У 2012 годзе беларускія калектывы традыцыйна прымалі ўдзел у Міжнародным музычным фестывалі «Мэрцішор»: у Кішынёве і Ціраспалі — ансамбль салістаў «Класік-Авангард» Белдзяржфілармоніі; у АТА Гагаузія — казачы ансамбль «Вольніца» (г. Бабруйск).

Дэлегацыя Беларускай дзяржаўнай акадэміі мастацтваў прыняла ўдзел у міжнародным фестывалі тэатральных і кінематаграфічных школ ClassFest; трупа Беларускага дзяржаўнага тэатра лялек — у VII Міжнародны фестывалі лялечных тэатраў «Пад шапкай Гугуцэ»; выканаўца з Беларусі А.Заўгародні — у музычным фэсце «Сузор'е талентаў» пад эгідай ЮНЕСКА; прадстаўнікі Беларусі сталі лаўрэатамі міжнароднага конкурсу маладых выканаўцаў ім.Е.Кока; трупа Нацыянальнага акадэмічнага тэатра імя Я.Купалы атрымала гран-пры Міжнароднага моладзевага тэатральнага форуму пад эгідай Міждзяржаўнага фонду гуманітарнага супрацоўніцтва СНД; народны ансамбль песні і танца «Дняпро» (г. Рэчыца) выступіў у канцэртнай праграме з нагоды Дня г.Ціраспаля; у юбілейным канцэрце заслужанага артыста Малдовы К.Масковіча прыняў удзел Прэзідэнцкі аркестр Беларусі пад кіраўніцтвам В.Бабарыкіна.

30 кастрычніка — 1 лістапада 2018 г. Мiнiстр адукацыi, культуры і даследаванняў Малдовы Моніка Бабук наведала Мінск у складзе малдаўскай урадавай дэлегацыі. Для яе была складзена асобная праграма, якая прадугледжвала сустрэчы і перамовы з міністрамі адукацыі, культуры, спорту і турызму Рэспублікі Беларусь, кіраўніцтвам Дзяржкамнавукі і тэхналогіі, НАН Беларусі.

Міністэрства культуры дзвюх краін актыўна ўзаемадзейнічалі ў рамках выканання Плана сумесных мерапрыемстваў у сферы культуры паміж Рэспублікай Беларусь і Рэспублікай Малдова на 2017-2019 гг. Буйной падзеяй для культурнага жыцця Беларусі і Малдовы стала ўстаноўка і адкрыццё ў Кішынёве помніка-бюста беларускаму першадрукару Францыску Скарыне. Абодва міністэрствы спрацавалі зладжана. Міністэрства культуры Малдовы садзейнічала ў аператыўным вырашэнні працэдурных пытанняў, звязаных з узгадненнем ўстаноўкі помніка. Значнае садзейнічанне было аказана прымарыей муніцыпіі Кішынёў і яе службамі. Адкрыццё помніка адбылося ў рамках афіцыйнага візіту Прэзідэнта Рэспублікі Беларусь А.Р. Лукашэнка з удзелам міністраў культуры Беларусі і Малдовы, старшыні Прэзідыума НАН Беларусі, Упаўнаважанага па справах рэлігій і нацыянальнасцей Рэспублікі Беларусь.

Традыцыйна Малдова добра прадстаўлена на вакальных конкурсах Міжнароднага фестывалю мастацтваў «Славянскі базар у Віцебску». У значнай ступені гэта заслуга народнага артыста Малдовы Канстанціна Масковіча, які у 2018 годзе з'яўляўся старшынёй журы дзіцячага вакальнага конкурсу ў рамках Фестывалю.

Указам Прэзідэнта Рэспублікі Беларусь ад 18 кастрычнiка 2018 годзе за значны асабісты ўклад ва ўмацаванне і развіццё беларуска-малдаўскіх культурных сувязяў Канстанцін Масковіч узнагароджаны медалём Францыска Скарыны.

Асаблівую ролю ў развіцці міжкультурнага дыялогу мае міжрэгіянальнае супрацоўніцтва. Абмен творчымі калектывамі гарадоў і раёнаў дзвюх краін, якія маюць пагаднення аб супрацоўніцтве, рэальна служыць умацаванню культурнага ўзаемадзеяння на мясцовым узроўні.

У маі 2018 г. творчы калектыў з Бабруйскага раёна прыняў удзел у міжнародным фестывалі раёна Вулканешты. Народны ансамбль песні і танца «Каларыт» з Ваўкавыскага раёна Гродзенскай вобласці прыняў удзел у міжнародным фестывалі ў Стрэшенском раёне Малдовы. Дзіцячы калектыў з Гагаузской аўтаноміі прыняў удзел у міжнародным фестывалі дзіцячай творчасці «Залатая пчолка» у Клімавічах Магілёўскай вобласці.

С жніўня 2019 г. на штотыднёвай аснове арганізавана выкладанне беларускай мовы для дзяцей у Беларускім культурным Цэнтры ў Малдове (далей — БКЦ). З лютага 2020 г. у БКЦ і Бюро міжэтнічных адносін Рэспублікі Малдова пачата выкладанне курсаў гісторыі Беларусі для прадстаўнікоў дыяспары і малдаўскіх грамадзян.

З 7 мая па 7 чэрвеня 2019 г. у БКЦ была арганізавана выстава, прысвечаная 75-годдзю вызвалення Беларусі і Малдовы ад фашысцкай акупацыі. Выстава складалася з дзвух экспазіцый: «Беларусь і Малдова. Дружба, змацаваная у баях» і «Беларусь Партызанская». У адкрыцці выставы прынялі ўдзел Прэзідэнт Рэспублікі Малдова І.Дадон, ветэраны, прадстаўнікі дыпламатычнага корпуса, арганізацыі беларускай дыяспары і грамадскіх аб'яднанняў Малдовы.

6 — 10 мая 2019 г. хор хлопчыкаў школы мастацтваў імя. А.Стырча прыняў удзел у Міжнародным фестывалі хораў хлопчыкаў краін СНД, які адбыўся ў г. Брэст і быў прымеркаваны Перамозе ў Вялікай Айчыннай вайне.

27 чэрвеня 2019 г. у тэатры «Лучафэрул» Пасольствам быў арганізаваны канцэрт з нагоды 75-годдзя вызвалення Беларусі ад нямецка-фашысцкіх захопнікаў і Дню незалежнасці Рэспублікі Беларусь, у якім прынялі ўдзел больш за 60 артыстаў (народныя артысты Малдовы, творчыя танцавальныя, вакальныя і інструментальныя калектывы). У якасці гасцей на мерапрыемстве прысутнічалі Прэзідэнт Рэспублікі Малдова І.Дадон, прадстаўнікі парламента, урада, дыпламатычнага корпуса грамадскіх аб'яднанняў, беларускай дыяспары і ветэраны. Пры садзейнічанні Пасольства, пражываючы ў г.Кішынёве ветэран-беларус, удзельнік Вялікай Айчыннай вайны і двух Парадаў Перамогі ў Маскве В.Вайцаховіч прыняў удзел у святочных мерапрыемствах, прысвечаных 75-годдзю вызвалення Беларусі ад нямецка-фашысцкіх захопнікаў у г.Мінску.

2 ліпеня 2019 г. у будынку Пасольства адбылося ўрачыстае ўручэнне медалёў „75-гадоў вызвалення Беларусі ад нямецка-фашысцкіх захопнікаў» і ўшанаванне ветэранаў і іншых асоб, якія ўнеслі значны ўклад у героіка-патрыятычнае выхаванне, ўвекавечанне памяці загінуўшых, арганізацыю мерапрыемстваў, прысвечаных 75- годдзю вызвалення Беларусі ад нямецка-фашысцкіх захопнікаў.

З 5 па 7 красавіка 2019 г. адбыўся візіт генеральнага дырэктара Нацыянальнага мастацкага музея Рэспублікі Беларусь В.Пракапцова ў г.Кішынёў для абмеркавання перспектыў супрацоўніцтва з Нацыянальным музеем выяўленчых мастацтваў Рэспублікі Малдова.

У 2019 года ў Міжнародным фестывалі мастацтваў «Славянскі базар у Віцебску» ад Рэспублікі Малдова прынялі ўдзел Лідзія Ісак, у дзіцячым конкурсе — Анастасія Барбэ. Л.Ісак атрымала спецыяльную прэмію «Праз музыку да садружнасці» ад тэлеканала „Мір”, а А.Барбэ заваявала другое месца ў дзіцячым конкурсе.

28-30 чэрвеня 2019 г. ансамбль народнай музыкі і танца «Кодру» з г. Архей прыняў удзел у Міжнародным фестывалі народнай творчасці „Вянок дружбы» ў г. Бабруйску, а мастакі-аніматары з Рэспублікі Малдовы — ў конкурснай праграме Міжнароднага фестывалю анімацыйных фільмаў «Анімаёўка-2019» (24-27 кастрычніка 2019 г., г. Магілёў).

У красавіку 2019 г. прадстаўнікі сярэдняй школы №91 г.Мінска занялі прызавыя месцы ў розных катэгорыях на Міжнародным конкурсе для дзяцей з парушэннем слыху „Танец 2019» які прайшоў у Кішынёве, а малдаўскі танцавальны калектыў заняў другое месца ў праведзеным у ДК «Мінскага трактарнага заводу» конкурсе дуэтаў.

Пры арганізацыйнай падтрымцы Пасольства ў ліпені 2019 г. на тэрыторыі Шато Пуркары адбыўся першы ў Малдове Вернісаж сучаснага мастацтва, скульптуры і жывапісу “ArtVin Purcari», у якім прынялі ўдзел мастакі і скульптары з 12 краін. Значную частку экспазіцыі займалі працы намесніка старшыні беларускай суполкі Рэспублікі Малдова, Заслужанага мастака Рэспублікі Малдова В.Ігнаценка.

У 2019 годзе В.Ігнаценка узнагароджаны Ганаровай граматай Міністэрства культуры Рэспублікі Беларусь, а Народная артыстка Рэспублікі Малдова М.Івануш — Ганаровай граматай Упаўнаважанага па справах рэлігій і нацыянальнасцей Рэспублікі Беларусь.

Па ініцыятыве і пры арганізацыйным садзейнічанні Пасольства ў лістападзе 2019 г. у г.Кішынёве праведзены І Беларуска-Малдаўскі маладзёжны форум, у якім прынялі ўдзел з беларускага боку 20 прадстаўнікоў моладзевых арганізацый, бізнесу і ўстаноў адукацыі. У рамках праграмы мерапрыемства прадстаўнікі беларускай моладзі сустрэліся з Прэзідэнтам Малдовы І.Дадонам, наведалі Парламент і абмеркавалі пытанні маладзёжнай палітыкі з парламентарыямі розных палітычных фракцый.

Важным вынікам Форуму стала падпісанне Пагаднення паміж Беларускім рэспубліканскім саюзам моладзі і Лігай моладзі Малдовы, накіраваным на працяг развіцця выязнога студатрадаўскага руху.

У маі 2020 года ў будынку Пасольства Рэспублікі Беларусь у Рэспубліцы Малдова адбылося адкрыццё фотавыставы «Подзвігі і лёсы партызан у дакументах», якая была прымеркавана да святкавання 75-годдзя Перамогі ў Вялікай Айчыннай вайне.

На працягу 2020 года прадстаўнікі Пасольства прынялі ўдзел у 12 мерапрыемствах па ўсёй Малдове, прысвечаных адкрыццю адрэстаўраваных помнікаў савецкім воінам, загінуўшым пры вызваленні Малдовы ад нямецка-фашысцкіх захопнікаў.

Пад патранатам Міністэрства адукацыі Рэспублікі Беларусь у ліпені — жніўні 2020 г. Нацыянальны цэнтр мастацкай творчасці дзяцей і моладзі правёў VII Міжнародны конкурс дзіцячага малюнка «Сябруюць дзеці на планеце», у якім прынялі ўдзел мастацкія работы малдаўскіх дзяцей з г.Кішынёва, г.Кагул, Фалештскага, Дубэссарского, Сынжэрейскага раёнаў Малдовы. Удзельнікам і прызёрам конкурсу былі накіраваны дыпломы і падзячныя лісты Міністэрства адукацыі Рэспублікі Беларусь.

Пачынаючы з 2010 года Нацыянальная бібліятэка Беларусі сумесна з Міністэрствам культуры Рэспублікі Беларусь паспяхова рэалізуюць міжнародны праект «Беларусь сёння».

У рамках рэалізацыі дадзенага праекта 12 лістапада 2020 г. Пасол Беларусі А. Калінін ва ўрачыстай абстаноўцы перадаў Нацыянальнай бібліятэцы Рэспублікі Малдова калекцыю беларускіх выданняў (83 кнігі), а таксама 44 кнігі, падрыхтаваныя Саюзам пісьменнікаў Рэспублікі Беларусь.

27 лістапада 2020 г. адбылася перадача Нацыянальнай дзіцячай бібліятэцы Рэспублікі Малдова калекцыі беларускіх выданняў, прадстаўленай Цэнтралізаванай сістэмай дзіцячых бібліятэк г. Мінска.  

У маі 2021 года ў г. Мінску адкрыты бюст-помнік Герою Савецкага Саюза, ураджэнцу Малдову І.Солтысу. Помнік устаноўлены па ініцыятыве экс-прэзідэнта Рэспублікі Малдова І.Дадона.

На працягу 2021 г. у Беларускім культурным цэнтры ў г.Кішынёве былі праведзены конкурсы дзіцячага малюнка «З чаго пачынаецца Радзіма», прысвечаныя міжнароднаму жаночаму дню 8 сакавіка і міжнароднаму Дню абароны дзяцей. На базе БКЦ ажыццяўляецца выкладанне беларускай мовы і гісторыі для дзяцей, штотыдзень праводзяцца ўрокі дзіцячай мастацкай студыі, якія вядзе намеснік старшыні Беларускай абшчыны, заслужаны дзеяч мастацтваў Рэспублікі Малдова, член Саюза мастакоў Малдовы В.Ігнаценка.

Традыцыйна Малдова прадстаўлена на вакальных конкурсах Міжнароднага фестывалю мастацтваў «Славянскі базар у Віцебску». У 2021 годзе ў фестывалі ад Рэспублікі Малдова прыняла ўдзел Юлія Целевука — у дзіцячым конкурсе.

У красавіку 2021 г. у а/г Ратамка (Беларусь) малдаўскія спартсмены прынялі ўдзел у этапе Кубка свету па выездцы на конях, пераможцам якога стала прадстаўнік Малдовы А.Глінка.