Гандлёва-эканамічныя адносіны

Беларусь і Малдова прадастаўляюць нацыянальны рэжым у дачыненні да беларускіх і малдаўскіх тавараў у адпаведнасці з Дагаворам аб зоне свабоднага гандлю ад 18 кастрычніка 2011 г.

У 2024 годзе тавараабарот паміж Беларуссю і Малдовай склаў 176,1 млн. долараў ЗША. Экспарт беларускіх тавараў у Малдову склаў 98,3 млн. долараў, а імпарт малдаўскіх тавараў у Беларусь — 77,8 млн. долараў.

Асноўнымі пазіцыямі беларускага экспарту ў Малдову ў 2024 годзе сталі бульба, сыры і тварог, лекавыя сродкі, мяккія дахавыя матэрыялы, трактары, сродкі для валасоў, гарсэтныя вырабы, пліты, лісты, плёнка з пластмас, гатовая або кансерваваная рыба, часткі і прылады для аўтамабіляў і трактароў.

Аснову імпарту тавараў з Малдовы склалі віны вінаградныя натуральныя, моцныя спіртныя напоі, свежая садавіна і агародніна, кукуруза, вінаград, яблыкі, грушы і айва, прыборы і ўстройствы для аўтаматычнага рэгулявання і кіравання, лекавыя сродкі, тара, садавіна сушаныя.

Бакамі створана Міжурадавая Беларуска-Малдаўская камісія па гандлёва-эканамічным супрацоўніцтве. Праведзена 19 пасяджэнняў гэтай камісіі, апошняе пасяджэнне праведзена 7 чэрвеня 2018 г. у г. Кішынёве.

У Малдове дзейнічае каля 40 прадстаўніцтваў, філіялаў і дыстрыбутараў беларускіх прадпрыемстваў-экспарцёраў.

У Беларусі дзейнічае 18 прадпрыемстваў з малдаўскім капіталам, у тым ліку 7 сумесных і 11 замежных арганізацый.