Аб мерапрыемствах Пасольства Беларусі ў Малдове ў г. Бельцы
05.06.2023 г.2 чэрвеня 2023 г. Пасольства Рэспублікі Беларусь у Рэспубліцы Малдова пры падтрымцы мясцовых улад правяло шэраг мерапрыемстваў у г.Бельцы.
У Цэнтры культуры і моладзі Пасольства прадставіла фотавыстаўку вядомых беларускіх фатографаў «Беларусь: выдатныя імгненні». Фотапраект падрыхтаваны Нацыянальнай бібліятэкай Беларусі сумесна з тэлеканалам «Беларусь 24».
Акрамя таго, быў паказаны спектакль паводле п'есы Янкі Купалы “Прымакі” ў пастаноўцы аматарскага тэатральнага калектыву “Ранак” пры Беларускім культурным цэнтры ў Рэспубліцы Малдова (г. Кішынёў).
З прывітальным словам да гасцей мерапрыемства таксама звярнуліся намеснік прымара г. Бельцы Дубіцкая Таццяна і старшыня Каардынацыйнай рады беларускіх аб'яднанняў у Малдове (г. Кішынёў) Ганна Бабін.
У рамках наведвання г. Бельцы адбылася сустрэча з кіраўніком Беларускай абшчыны муніцыпія Бэлць Вячаславам Загорцавым і актывам абшчыны, падчас якой суайчыннікі былі праінфармаваны аб мерапрыемствах Пасольства па лініі ўзаемадзеяння з беларускай дыяспарай Малдовы. А.Бабін таксама расказала аб дзейнасці Беларускага культурнага цэнтра і запрасіла беларусаў муніцыпія Бэлць прыняць актыўны ўдзел у дзейнасці беларускіх суполак Малдовы.
