Аб удзеле ў Этнакультурным фестывалі

21 верасня 2025 г. Надзвычайны і Паўнамоцны Пасол Рэспублікі Беларусь у Рэспубліцы Малдова Анатоль Бубен, прадстаўнікі Пасольства Беларусі ў Малдове сумесна з членамі беларускай дыяспары ў Малдове прынялі ўдзел у Этнакультурным фестывалі «Адзінства праз разнастайнасць», які быў арганізаваны Агенцтвам міжэтнічных адносін i Прымарыяй г.Кішынёва.

У рамках фестывалю Беларускім культурным цэнтрам у Малдове, беларускай дыяспарай і Пасольствам Беларусі ў Малдове быў арганізаваны экспазіцыйны стэнд «Беларускі падворак», які прадэманстраваў традыцыі і побыт беларускай вёскі.

На пляцоўцы беларускага падворка адбылася сустрэча Пасла Беларусі Анатоля Бубена і кіраўнікоў грамадскіх арганізацый беларусаў Малдовы з Прэзідэнтам Рэспублікі Малдова Майяй Санду. У ходзе сустрэчы беларускі бок пазнаёміў Прэзідэнта Малдовы з традыцыямі святкавання ў Беларусі завяршэння ўборкі ўраджаю.

У рамках фестывалю адбыўся канцэрт з удзелам артыстаў і мастацкіх калектываў розных дыяспар, якія пражываюць у Малдове. Прагучалі беларускія песні ў выкананні ансамбля беларускай абшчыны Рэспублікі Малдова «Зорачкi» (г.Кішынёў) і Віктара Тырзіу (г.Бендэры), адбылося выступленне танцавальнай студыі «Крылы» беларускай абшчыны муніцыпія Бэлць.

Гасцям фестывалю былі прапанаваны прыгатаваныя членамі дыяспары стравы беларускай кухні.

Версія для друку