Аб наведванні Пасольствам Беларусі Унгенскага раёна

28 чэрвеня 2025 г. у камуне Пырліца Унгенскага раёна Надзвычайны і Паўнамоцны Пасол Рэспублікі Беларусь у Рэспубліцы Малдова Анатоль Бубен разам з дыпламатамі Пасольства прыняў удзел ва ўрачыстым мітынгу, прысвечаным адкрыццю адрэстаўраваных двух 10-мятровых абеліскаў і добраўпарадкаванага воінскага пахавання, дзе знаходзяцца савецкія воіны, якія загінулі пры вызваленні вёскі вясной 1944 года.

У цырымоніі прынялі ўдзел прадстаўнікі дыпламатычнага корпуса, у тым ліку саветнікі Пасольства Расійскай Федэрацыі, а таксама мясцовых улад, грамадскіх арганізацый і жыхары рэгіёна. Прагучалі словы падзякі на адрас тых, хто цаной свайго жыцця наблізіў Перамогу.

Пасольства Беларусі выказала падзяку арганізатарам мерапрыемства — праўленню Славянскай праваабарончай арганізацыі «ВЕЧА» і прымарыі камуны Пырліца за захаванне гістарычнай памяці і беражлівыя адносіны да вайсковых пахаванняў. 

У рамках рабочай паездкі ва Унгенскі раён прадстаўнікі Пасольства наведалі гістарычнае месца ў камуне Пырліца, дзе ў кастрычніку 1791 года памёр найсвятлейшы князь Рыгор Аляксандравіч Пацёмкін-Таўрычанскі — выбітны дзяржаўны дзеяч, паплечнік імператрыцы Кацярыны II, заснавальнік гарадоў і ўмацаванняў на поўдні Расійскай імперыі.

Версія для друку